Ef þið verðið í borg óttans á þriðjudaginn

Ferða og útivistarfélagið Slóðavinir í samstarfi við Bernhard, Mótorhjólasafn Íslands og Sniglanna kynna.

Sögustund - Frumkvöðlar í ferðamennsku á mótorhjólum

 

Ferðasögur, ljósmyndasýning og sýning á gömlum mótorhjólum.
Sögustundin fer fram í húsakynnum Bernhard ehf Vatnagörðum 24, 17 mars 2009.

 Dagskrá kvöldsins:

kl.18:00
                Húsið opnar. Í sýningarsal verður búið að koma fyrir mótorhjólum sem öll eiga það sameiginlegt að hafa verið notuð til ferðalaga fyrir 20-35 árum síðan. Einnig er boðið upp á ljósmyndasýningu, en ljósmyndirnar verða svo færðar Mótorhjólasafni Íslands til varðveislu.

19:00 – 19:10
                Setningarávarp frá formanni og stjórnarmanni Slóðavina

19:10 – 19:40
                Njáll Gunnlaugsson – Mótorhjólið í 100ár. Upphaf ferðamennsku á mótorhjólum
 Njál, ætti allt hjólafólk að kannast við, hvort sem það er í gegnum félagsstarf klúbbana, ökukennslu eða af lestri bókarinnar „Þá riðu hetjur um héruð, 100ára saga mótorhjólsins á íslandi“. Við vinnslu bókarinnar viðaði Njáll að sér miklu efni sem tengist ferðamennsku á mótorhjólum, en aðeins brot af því efni rataði í bókina, og sumt barst of seint.
Njáll mun meðal annars segja frá fyrstu ferðinna á tveimur Harley Davidson mótorhjólum til Egilsstaða á fjórða áratugnum, en hún tók 10 daga. Að auki verða sýndar myndir úr eini af fyrstu ferðunum yfir Kjöl á mótorhjólum og sitthvað fleira.

19:40 – 20:10
                25 ára afmæli Bifhjólasamtaka lýðveldisins
Í ár fagna Sniglarnir 25 ára afmæli sínu. Frá stofnun samtakanna hefur verið farin árleg ferð upp í Landmannalaugar. Þessar ferðir hafa verið farnar á öllum gerðum hjóla og því eru til ótal skemmtilegar sögur um hrakfarir og sæta sigra. Félagar úr samtökunum ætla að segja frá starfinu, ferðalögunum og afmælisárinu.

20:10 – 21:00  Hlé

21:00 – 21:45
                Geir Gunnarson og Óðin Gunnarsson
Þeir Geir og Óðin hafa frá mörgu að segja og að þessu sinni leggja þeir áherslu á ferðlög sín fljótlega eftir 1970.  Það á engin eftir að verða svikin af ævintýralegum ferðum þeirra félaganna um ófærur Íslands.

21:45-22:10
                Jóhann Freyr Jónsson, safnstjóri Mótorhjólasafns Íslands.
Um þessar mundir er verið að byggja upp Mótorhjólasafn Íslands á Akureyri. Safnið hefur nú þegar eignast mikið af gripum til að sýna og ætlar Jóhann safnstjóri að kynna safnið fyrir okkur og þá gripi sem safnið hefur eignast og tengjast ferðalögum á mótorhjólum.
Þess má geta að til sölu verður bók Njáls Gunnlaugssonar, „Þá riðu hetjur um héruð“, en ágóði af sölu bókarinnar rennur til Mótorhjólasafns Íslands

22:10 – 23:00    Opin hús.